Asteazkenean, Emakumeenganako Indarkeriaren Kontrako Nazioarteko Eguna izan zen. Beste hainbat herritan bezala, Astigarragan ere zenbait ekintza izan ziren indarkeria matxista salatuz eta arazo honekin bukatu behar dela aldarrikatuz.
Eguerdian, kontzentrazioa eta minutu bateko isilunea egin zen Udalak deituta. Eta arratsaldean izan zen ekitaldi nagusia, Harituz elkarteak antolatuta. Kontzentrazioa egin zen eta horretaz gain, biolentzia matxistak eraildako emakume bakoitzagatik, haur patuko bat jarri zuten. Gogoratu dute 1995etik 1.378 emakume erail dituztela. Eta argi utzi dute, emakumeenganako indarkeriarekin bukatzeko, erantzun globala beharrezkoa dela; «arazoa denona baita». Ondoren, hitzaldia izan zen. Emakumeenganako indarkeria eusten duten patriarkatuaren oinarrietaz aritu ziren.
Gazte Lekuan, brotxeak
Tailerra antolatu dute gaur Gazte Lekuan (16:30). Brotxeak egingo dituzte, emakumeenganako indarkeriaren kontrako mezuak zabalduz.