Nafarroako Txapelketan, finalerdiak jokatuko dituzte bihar, 11:30etan hasita Goizuetako eskolako frontoian, herriko sei pilotarik: kadeteetan, Aizkorbe eta Apezetxea ariko dira, Olaetxea eta Petriati arbizuarren kontra; alebinetan, Salaberriak eta Apezetxeak, Oberenako Sanchez eta Leitza izanen dituzte aurrean; eta benjaminetan, Legarreta eta Elizegi ariko dira, Urra eta Armendariz lodosarren kontra. Bihar bertan, Huarten jokatuko du Iker Salaberriak, Mariezkurrenarekin, Etxeberria eta Anduagaren kontra; finalerdietako joanekoa izanen da, Nafarroako jubenil txapelketan. Beste final baterako sailkatu da Salaberria bera, Lekunberriko lau t’erdikoan, Eskirozi 18-5 irabazita. Finala ostegunean izanen du, 10:30etan Labriten, Huarteko Peio Etxeberriaren kontra. Aurretik, Zaldibarren jokatuko du etzi, 18:00etan, Peñaren kontra, lau t’erdiko partidua. Eta Beñat Apezetxeak ere, aurrera egin du Zizurkilgo txapelketan, Etxeberriarekin 18-6 irabazita, Goikoetxea eta Etxeberriari. Abenduaren 6an jokatuko du semifinala.