Garaipena lortu zuen Umore Onak, aurreko asteburuan, Zaldibiren kontra. 4-3 nagusitu ziren goizuetarrak etxean, Patxiren bi golekin, eta Ander eta Iñakiren gol banarekin. Aurretik joan zen Umore Ona atsedenaldira (1-0), baina asko aldatu zen partidua gero, eta 2-3 galtzen ere izan ziren. Azkenean, ordea, buelta ematea lortu zuten. Garaipen hori errepikatu nahi dute gaur, eta etxean jokatuko dute berriro: arratsaldeko 19:00etan, Legorretaren aurka.