Gaur eginen dute Goizuetan, azienda, artisau eta nekazal feria. 12garren edizioa izanen da, eta goizeko 10:00etan irekiko dute, eguerdiko 13:00etara. Denetik izanen da bertan: trikitilariak, joaregileak, sagardogileak, txurrogileak...
Bitarte horretan, gainera, bi erakustaldi eginen dituzte: ardi erakustaldia 11:00etan, eta Inaxio Perurena harrijasotzailearen saioa 12:30etan.
Eta Goizuetako labaderoan ere izanen da zer ikusi. Margo erakusketa paratuko du bertan, Oihana Insausti hernaniarrak, goizeko 11:00etatik arratsaldeko 18:00etara.
Ondoren, bazkaria
Bazkaltzeko ere egin dute zita, eguerdiko 14:00etan. Txartelak Amaia kafetegian daude salgai: langileek 21 euroan, ikasle eta langabetuek 18 euroan, 9 eta 16 urte artekoek 10 euroan, eta 8 urtetik beherakoek doan.
Poteoa txarangarekin, eguna bukatzeko
Bapo bazkalduta, poteoa ere eginen dute arratsaldean, 18:30etan elkartuta. Elutxa txarangak lagunduta, tabernaz taberna bukatuko dute feri eguna.
XII. FERIA, gaur
10:00-13:00, Azienda, artisau eta nekazal feria: trikitilariak, joaregileak, sagardogileak, txurrogileak, sifoia, erakusketa...
11:00, Ardi erakustaldia.
12:30, Inaxio Perurenaren harrijasotzailearen erakustaldia.
14:00, Bazkaria.
18:30, Poteoa Elutxa txarangak lagunduta.