Gipuzkoako Foru Aldundiko Ingurumen Sailak kartel lehiaketa antolatu du 6 eta 18 urteko ikasleak kontzientziatzeko asmoz. Ikastetxeetan hondakinen sorrera nola murriztu zitekeen azaldu behar zuten kartelek.
10-12 urtekoen arteko ka-tegorian, Urumea ikasolako Paula Arjona Vaquero ikaslearen kartela saritu dute, eta atzo jaso zuen saria, Jose Ignacio Asensio diputatuaren eskutik.
Kartel eskematikoa, eta mezu garbia
Guztira, 150 ikaslek hartu dute parte lehiaketan, 5 kategoriatan: 6-7 urtekoena, 8-9koena, 10-12koena, 13-15ekoena eta 16-18koena.
Paula Arjonak 10-12koen kategoriakoa irabazi du, eta mentzio berezia egin zioten, partehartzaile gehien izan dituen kategoria izan baita.
Kartela «eskematikoa eta oso argia» dela aipatu zuen Asensiok. «Superposizioaren teknika ere erabili du, eta oso mezu garbiak transmititzen ditu. Guk ere erabiliko dugu kartela».
Bertan, Paula Arjonak hainbat proposamen egin ditu hondakinen sorrera murrizteko: hamaiketakoa tuper batean eramatea zilarrezko paperean bildu beharrean; edo jolasgaraiaren ondoren, denen artean ‘patruila berdea’ osatu eta patioa garbitzea.