Merkataritza sustatu eta joerak ezagutzeko aste berezia antolatu du Beterriko Merkataritza Bulegoak, eta Hernaniko dendek ere bat egin dute ekimenarekin.
Asteari gaur emango zaio amaiera, Ostiral Beltza egunarekin: deskontu bereziak, moda desfilea, batukada... denetik izango da.
Moda eta osagarriei buruz, desfilea eta aholkuak
Gaurko ekitaldien artean, egungo moda jarraitu eta punta-puntako osagarriak zein diren jakiteko aukera izango da.
Arratsaldeko 18:30etatik 19:45etara bitartean, aholkuak ematen ariko da personal shopper bat, Biterin. Aholkuei laguntzeko, berriz, moda desfilea ere egingo da.
Prezio festa, dendetan
Horrez gain, egun osoan zehar deskontu bereziak egingo dira hainbat dendatan: prezioak normalean baino %20 merkeagoak izango dira egun osoan zehar. Bestalde, erosketak egiteko aukera ere, normalean baino haundiagoa izango da; hainbat denda irekita egongo dira gaueko 22:00ak arte. Horietan, pastak eta antzekoak ere eskainiko dituzte, eta modu berezian dekoratuko dituzte.
Eguna ondo eta ospakizun giroan bukatzeko, berriz, dendak itxi bitartean batukada ibiliko da kalean.