Azaroaren 28a hezkuntza arloko mobilizazio egun nazionala izango da. Gipuzkoan, kalejira antolatu da Donostiako Bulebarretik abiatuta, Guk, orain, hemen, gure hezkuntza eraiki lelopean, eta Hernaniko Hezkuntza Plataformak dei egin du Bretxako sarreran elkartzeko 16:45etan, globoak banatu eta elkarrekin abiatzeko. Arropa koloretsuak eramatea gomendatu dute.
«Euskal Herriko Hezkuntza Sistema Propioa nahi dugu»
Larunbateko kalejirara joateko deia luzatzearekin batera, herriko ikastetxe guztietan gaia lantzen ari dira hainbat ekintzaren bitartez.
Horrez gain, atxikimenduak biltzeko kanpaina jarri dute martxan; ikastetxeetan lortu daiteke mobilizazioaren alde egiteko izenemate orria, eta bestela, hezkuntzaplataformentopagunea.blogspot.com webgunean.
Hernaniko Elizatxo, IES Hernani BHI, Haurreskola, Txirrita, Langile eta Urumea ikastetxeek eta Udalak egin dute bat mobilizazioarekin. «Guk Euskal Herriko Hezkuntza Sistema propioa nahi dugu, eta honen inguruko erabakiak guk geuk hartu».