Hernaniko Koordinadora Fe­mi­nistak biltzen dituen he­rri­ko eragileek bat egin dute gaur­ko aldarrikapen eguna­rekin, eta kontzentrazioa dei­tu dute arratsaldeko 19:00etan Plaza Berrin, emakumeen aur­kako indarkeriaren kontra azaltzeko.
Horrez gain, ekintza gehiago ere antolatu dituzte.

Performance-a eta tailerrak
Batetik, gaur arte Jantzi be­tau­rreko moreak egitasmoa landu du institutuan, Hernani BHIko hezikidetze taldeak.
Era berean, Liletak taldeak performance-a egingo du gaur institutuan.
Gazte Txokoak eta Arre­ma­ni­tzek, berriz, txapak eta mu­rala egingo dituzte gaur, eta reggaetoi abestiak aztertuko dituzte.

Abenduan, bi tailer
Bestalde, gaurko aldarri­ka­pe­na egun bakarrera mugatu ez da­din, bi tailer antolatu di­tuz­te abendurako.
Aurrenekoa, abenduaren 11n izango da. Bilgune Fe­mi­nis­tak Zaindu maite duzun hori tailerra emango du Biterin, 18:30etatik 20:30etara. Izenematea irekita dago her­nanikotxokofeminista@gmail.com helbidean.
Bigarrena, abenduaren 15ean izango da, Berdintasun Kon­tseiluak antolatuta; arra­tsal­deko 18:30etan Qué hacer ante un caso de violencia sexis­ta hitzaldia izango da. Izene­matea marijo-m@hernani.eus helbidean irekita dago.

Bat egiteko deia
Hernaniko Koordinadora Fe­­minista osatu dute Duin­ta­suna Pentsionisten elkarteak, Her­na­­niko Gizon Taldeak, Amher elkarte kulturalak, Her­­naniko Bilgune Femi­nis­tak, Liletak taldeak, Arre­ma­ni­tzek, Her­na­ni­ko Gazte Txo­ko­ak eta Ber­din­ta­sun Kontsei­luak. Guztiek egin dute bat gaurko al­da­rrikapen egu­na­rekin, eta gauza bera egiteko deia luzatu diete herritarrei, Matxismoak hiltzen gaitu, autodefentsa feministaz aurre egin! lelopean.

Udala

Gaurko aldarrikapenarekin bat, atzoko Plenoan

Hernaniko Koordinadora Feministak aurkeztutako adierazpena aho batez onartu zuten alderdi politiko guztiek atzoko Plenoan, gaurko aldarrikapen egunarekin bat eginez.

Atzoko Plenoan Hernaniko Kordinadora Feministak aur­kez­tutako adierazpen insti­tu­zi­onala aho batez onartu zu­ten EH Bidluk, EAJ-PNVk, PSE-EEk eta Orain Hernanik.
Bertan adierazi zuten «indarkeria sexistaren aur­ka­ko borrokan apustu garbia egitako garaia» dela.

Sistema patriarkalaren mekanismoari aurre
Adierazpenean azaldu­ta­ko­a­ren arabera, «sistema pa­triar­kalak emakume bakoi­tza­­rentzat bere indarkeria me­kanismoa espezifikoa dau­­ka». Era berean, gaurko egu­naz gain «sistema patriar­ka­lak beste 364 egunez ja­rrai­tzen du gu iraintzen, ji­poi­tzen, erasotzen eta erailtzen». Eta horren aurrean, argitu zuten: «feministok lanean jardungo dugu urte osoan».
Plenoan adierazpenarekin bat egin, eta gaurko kontzen­tra­­ziorako «gonbi­a­pe­na ja­so­tzen» zutela azaldu zuen al­ka­te­ak.