Bizilagunak ekimenaren azken edizioa, atzokoa, festa giroan hasi zuten hernaniarrek; bertan jaioek zein etorriek. Bazkaltzera joan aurretik Atsegindegin zuten zita, eta berehala girotu zuten, kanpoan zegoen hotza. Batzuek ezagutzen zuten elkar, aurreko edizioetatik; beste batzuek, momentu horretan izan zuten ondokoaren berri. Baina berehala hasi zen harremana. Aurkezpenean gogoratu zuten, bertakoek eskuzabal hartuko dituztela, eta halako ekimenek duten garrantzia. Ondoren, musika eta kantua izan zen ospakizunaren ardatz. Batzuk eta besteek mikroa hartu, eta euskeraz kantatu zuten guztiek; emoziorik ez zen faltatu. Estribilloak zioen: Europar nahiz Amerikar, Asiar ala Afrikar, topa dagigun, eta edonon, lagundu dezagun elkar. 100 familia edo taldek elkar ezagutu zuten atzo, eta apustua egin zuten, elkarbizitzaren alde.
BIZILAGUNAK 2015 - HERNANI
Europar nahiz Amerikar, Asiar ala Afrikar,
topa dagigun, eta edonon,
lagundu dezagun elkar.
Datorrenari, eskaini
isilduak hitzez horni
bertakoago, nonahikoago
izan gaitezen geroni
Europar nahiz Amerikar, Asiar ala Afrikar,
topa dagigun, eta edonon,
lagundu dezagun elkar.
Ez uka beste hizkuntzik,
erakuts euskara pozik.
Emigrantea ez da arrotza
urrundik heldua baizik.
Europar nahiz Amerikar, Asiar ala Afrikar,
topa dagigun, eta edonon,
lagundu dezagun elkar.
Susmoa baita lehorra,
harremana emankorra
errespetuan dago gordeta
elkarbizitzan altxora.
Europar nahiz Amerikar, Asiar ala Afrikar,
topa dagigun, eta edonon,
lagundu dezagun elkar.