Adarragatarrek kirolarekin izan duten lotura izugarriak urtero jasotzen du errekonozimendua. Atletismo taldeak Adarraga Memorialaren 52garren edizioa antolatu du gaur. Goizeko 10:30etarako, Antziolako atletismo pistan izango dira etorkizuneko atletak. Bost lasterketa izango dira, adin eta sexuaren arabera banatuta: infantil mutilena, 10:30etan hasiko da; 2.122 metroko proba izango dute aurretik. Atzetik, 10:55etan, infantil neskak aterako dira; hauek 1.508 metroko distantzia egin beharko dute. Hirugarren txanda, 11:15etakoa, alebin mutilena izango da; 1.508 metroko proba izango dute. Alebin neskak berriz, 11:35etan aterako dira 894 metro ahalik eta azkarren egiteko asmoz. Azkenak benjaminak izango dira; 12:00etan aterako dira, 670 metroko proba egiteko gogoz.