«Pausu gehiago eman behar dira»

Hernaniko alderdi sozialistak Kro­nikara bidalitako prentsa oharrean gogoratu du, Memo­ria­ren Egunean egin zen eki­tal­dirako babes osoa eman zu­tela, na­hiz eta ez izan «guk na­hi genuen ekitaldia». Hala ere, aurreneko pausu gisa, positi­boa dela azaldu dute, eta etor­kizunera begira, garrantzitsua. Sozialisten ustez, oraindik as­ko dago egiteko: «bide asko dago aurretik. Oraindik ez da ETA desagertzea lortu. Hala ere, bidea pausuz pausu egiten da. Eta normala da, denok ez egotea %100 ados egiten diren ekital­diekin, izan ere, ba­koi­tzak gure erara antolatzen du­gu. Hala ere, adostasunaren bi­dean, eta etor­kizunari begi­ra, denok eman behar dugu amore. Eta horrela izan da, zin­tzotasunetik egin dugu lana alde guztiok».

«Beti defendatu dugu ezberdinen arteko elkarbizitza»
Oharrean, gogoan izan di­tuzte ez dauden kideak: «gure ar­te­an ez dauden kideak go­go­ratu na­hi ditugu, eta terroris­moa­ren bik­ti­mak ere bai». Azal­du du­tenez, Uda­lean eki­taldi ko­mun bat egi­teak ez du esan nahi baikotzak bere ira­ganari uko egiten dionik: «gure la­rruan sufritu dugu terro­ris­moa, eta baita Hernanin, di­fe­rente pen­tsat­zen duguno­kiko into­le­ran­tzia. Hala ere, beti de­fen­datu dugu ezber­dinen arteko elkar­bizitza. Hau izan daiteke dugun aukerarik onena, etor­kizuna kon­par­titzeko, bakean eta erres­petuarekin».

«Gertatu den guztia jakin behar dela uste dugu»
Iraganean gertatutakoa ez erre­­pikatzeko, gertatu den guz­­tia jakin behar dela dio al­der­di sozialistak: «inter­pre­ta­zio inte­resaturik gabe, bes­tela modu faltsuan itxiko dugu garai iluna. Etorkizunak oi­na­rri izan behar ditu hainbat errekonozimendu:  «injustizia, egin den mina eta biktima guztien duintasuna. Eskubidea dute egia, justizia eta erreparaziorako».
Alderdi sozialistak uste du, ger­tatutakoaren kontakizunak in­terpretazio ezberdinak izan di­tzakeela, baina konpartitua izan behar duela: «hori izango da garantia, be­rriro ere ez ger­ta­tze­ko. Bide horretan, Uda­lak me­mo­ri­aren inguruan egin duen erre­kopilazioak ez du laguntzen, ez bai­tago osatua. Ez dira mina­re­kin eta sufrimenduarekin lotura duten hainbat pasarte biltzen. Bai­na prest gaude, lana egingo dugu memoria osa­tzeko».