«Parisen gertatu dena bezalako gauzak gertatzean, zalantzan jartzen da mezkitak transmititzen duen mezua»

Frantzian, Palestinan, Liba­non... izan diren erasoen kon­tra eta bertako herritarren al­de kon­tzen­trazioa deitu dute gaur Plazan, arratsaldeko 17:00­etan. Her­naniko Arri­sala elkarteak deitu du, eta parte hartuko dute AMHER elka­rteak, Gure Esku Dagok, Onda Vascak eta Fedaracion Española de Entidades Religiosas Islamicas (FEERI) taldeak. 
Abdelghaffour Ben Soula­re­kin hitz egin du Kronikak, Arri­sa­lako kidearekin, eta ko­n­tzen­trazioaren harira, hau azal­­du nahi izan dute: «Nahi du­gu jendeak jakitea, mezkita es­kola bezala dela, eta balio uni­bertsalak transmititzeko hel­­burua daukala: gauza txa­rrak ez egitea, eta onak egitea».
Instituzio eta hedabide ba­tzuek alarma sortzen dutela dio Ben Saoulak: «Parisen ger­tatu dena bezelako gauzak ger­tatzean, mezkitak trans­miti­tzen duen mezua jartzen da zalantzan. Horrelako ger­taerek gure komunitateari era­giten diote, guzti horretatik oso urru­ti egon arren. Guk el­kar­bizitza ona daukagu biz­tanleekin, baina instituzioek eta hedabide batzuek alarma sortzen dute, eta biztanleak kezkatzen dituzte».

«Elkarbizitza sustatu behar dugu»
Beraien komunitatearekin ur­te osoan gogoratzea eska­tzen dut­e, eta ez soilik, gauza txa­rrak gertatzean: «nahi dugu urte guztian gogoratzea gure komunitatearekin, ez soilik gauza txarrak gertatzen dire­nean. Eta komunitate hori ere babestu behar du gizarteak, bere erantzukizuna ere ba­delako. Elkarbizitza sustatu behar dugu, hurrengo belau­naldiak elkarrekin aritzeko hasieratik. Bestela, ez dugu elkar errespetatuko etorkizu­nean. Eta horrela egiten ez bada, kontrolatu ezin dai­tezkeen haurrak izango dira, eta Parisen gertatu dena gertatzeko arriskua egongo da. Elkarbizitzarik ez badago, or­duan dator arriskua».