Astigarragako kiroldegiak Jolas Txiki antolatu du aurten ere, Gabonetako oporraldietarako. Hiru txanda izango dira, 2 eta 5 urteko haurrentzako, eta izena emateko epea astelehenetik hilaren 30era izango da zabalik, kiroldegian.
Goizez, 3 txandatan
Hiru txanda antolatu dira. Lehenengoa, abenduaren 21etik 24era; bigarrena, abenduaren 28tik 31ra; eta hirugarrena, urtarrilaren 4 eta 5ean. Guztiak 09:00etatik 13:00etara izango dira, kiroldegian.
Lau egunetako txandek 36,50 euro balio dute bazkideentzat, eta 44,30 gainontzekoentzat. Bi egunekoek, berriz, 18,50 eta 22,50 euro. Kasu batzuetan beherapenak izango dira; kiroldegitik pasa.