Emakumeenganako indarkeriaren kontrako nazioarteko eguna da azaroaren 25a, eta horren bueltan, hainbat ekintza antolatu dira herrian.
Gazte Lekuan, gaur eta bihar
Gaur, 16:30etatik aurrera, karaokea egingo da Gazte Lekuan, emakume abeslarien kantekin.
Bihar, berriz, 17:00etan, emakumeenganako indarkeria erakusten duen pelikula proiektatuko da, eta hizketarako tartea izango da ondoren.
Tailerrak, haur eta helduentzat
Bestalde, bi tailer prestatu dira asteburu honetarako. Gaur, arratsaldeko 18:30etatik 18:00etara, murala egiteko aukera izango dute 4 eta 12 urte arteko umeek, kultur etxean, Xaguxar aisialdi taldeak antolatuta.
Bihar, berriz, helduagoentzako txanda izango da; Gazte Asanbladak antolatuta, Maskulinitate berriak tailerra izango da, 18:00etan Zipotzan.
Pelikula asteartean, eta ekitaldia, asteazkenean
Astean zehar ere izango dira ekitaldiak. Asteartean, Indarkeriaren aurkako matazak bideoa proiektatuko dute, 18:00etan kultur etxean, Harituz emakumeen elkarteak antolatuta.
Egun nagusia, berriz, azaroaren 25a izango da. Arratsaldeko 17:00etan ekitaldia egingo da Foru Plazan; eraildako emakume bakoitzagatik patuko bat jarriko da. Gero, 17:30etan, hitzaldia izango da udaletxean.