Saharako errefuxiatu kanpamenduetan une latzak ari dira bizitzen, sufritu dituzten uholdeen eraginez. Dirua bildu eta laguntza emateko asmoz, ekitaldi bat antolatu zuten joan den azaroaren 7an: jaima bat jarri zuten, Saharako eta bertako jakiekin; eta egutegiak eta loteria ere jarri zituzten salgai. Bestalde, kontu korronte bat ere ireki zuten, dirua biltzeko.
Eskerrak, parte hartzaile guztiei
Hernaniko Sahararen aldeko lagunek eskerrak eman nahi dizkiete parte hartu zuten guztiei, eta baita tabernariei ere, salmentan jartzeko eman zituzten jakiengatik. Azaldu dutenez, saldutako produktuekin eta jendeak emandako diruarekin 1.351,06 euro atera dituzte: «Tolosaldean Sahararekin GKEn sartu dugu dirua, eta hauek Banque Nationale D’Alegeriara bidaliko dute, 00100411031000001773 kontu korrontera. Guk ezin izan genuen dirua zuzenean bidali, kontu korronte batetik egin behar baitzen, eta horrela egitea erabaki genuen».