Aurkezpena gaur, parte hartze prozesuaren balorazioa egin eta azken emaitza emateko

Apirilean hasi zuen Udalak Hernani Erabaki prozesu partehartzailea, herritarren behar eta proposamenak jasotzeko asmoz. Helburu nagusia, bat zen: herri­tarrek erabakitzea zertarako erabili nahi dituzten 2016ko Udal Aurrekontuko 500.000 euro. Prozesuak fase ezberdinak izan ditu, eta orain egun gutxi bukatu da azkenekoa: herritarrek aukeratu dituzte 10 proposamen definitiboak.

Aurkezpena, gaur
Azken emaitza horien berri emateko asmoz, eta parte har­­t­ze prozesuaren balo­ra­zioa egiteko, aurkezpena egin­­go du gaur Udalak. Uda­letxeko areto nagusian izan­go da, 19:00etan, eta parte hartze prozua antolatu duten era­gile guztiak izango dira ber­tan. Prozesuan parte har­tu duten edo-eta interesa duten herri­tarrak gonbidatu dituzte gaurko aurkezpenera.