Euskara ikasleek, herritar euskaldunek, ikasleek... edonork eman dezake izena Mintzodromoan

Abenduaren 3a egun haun­dia da euskaltzale guztientzat: Euskararen Eguna. Hernanin, Euskara ari du taldeak as­tebeteko egitaraua antolatu du aurten ere, euskera he­rritarrei gerturatzeko asmoarekin, eta herritarrek euskaraz aritzeko konpro­misoa eta ohitura har­tu dezaten.
Euskeraren festa aza­roa­ren 28tik abenduaren 4ra antolatu dute, eta hainbat eki­taldi izango dira: filmak, era­kus­keta, irakurraldiak, min­tzo­dromoa... Azken hau Udal Euskaltegiak antolatu du, eta abenduaren 2an izango da. Joan den urtean 150 pertsona aritu ziren giro ederrean, euskeraz, eta aurten ere, herritarrak animatu nahi dituzte parte hartzera: euskera ikasleak, herritar euskaldunak, ikasleak... Eus­kaldun zaharrak ariko dira dinamizatzaile eta lagun­tzaile lanetan.
Aurtengo edizioa ere, goiz eta arratsalde izango da; kasu honetan ordea, Biterin egingo dute, Atsegindegi leku hotza baita urte garai honetan.
Parte hartu nahi dutenek igandera bitartean dute izena emateko aukera: Udal Eus­kaltegian, 943 33 18 96 te­lef­o­noan edo euskaltegi@­hernani.eus helbidean.