Donosti Gain torneoko finala jokatu zuten asteburuan Paul Ojuel eta Markel Lizeagak. Eneko Yoldi eta Ander Imaz aurkariak gehiago izan ziren finalean, eta 22-13 galdu zuen bikote hernaniarrak. Aurkariak partidu hasieratik nagusitu ziren: Imaz atzelariak agindu zuen peloteoan, eta partiduko tantu dotoreenak Ojuelenak izan baziren ere, Yoldiren segurtasuna nagusi izan zen. Denboraldi honetan pelotari hernaniarrek jokatzen duten 13garren finala izan zen asteburukoa.
Hernaniko gainerako pelotariek ere, ez zituzten nahi bezain emaitza onak lortu: 3 garaipen eta 10 porrot da asteburuak utzitako balantzea.
Asteburuko emaitzak alebinak:
Mattin Arluziaga 1-Intza 2
Orkatz Artola 0-Añorga 2
Oier Garaiar 1-Oiarpe 2
Iker Egaña 0-Azkoitia 2
Infantilak:
Oiarpe 2-Unax Uitzi 1
Eple 0-Jagoba Garmendia 2
Allerru 0-Axel Martin 2
Anartz Oiartzabal 2-Zumaia 0
Mikel Lasa 1-Oiarpe 2
Aratz Tejedor 1-Ilunpe 2
Añorga 2-Xabier Apaolaza 0
Kadeteak:
Urnieta 22/Larrañaga-Salaberria 11
Seniorrak:
Arrieta - Aizpitarte 15/Pagazpe 22