Berriro ere garaipenen bidetik jotzeko prest dagoela erakutsi du Mundarrok asteburuan, Vasconiari 1 eta 2koarekin irabazita. Partidurik galdu gabeko arerioa zen, baina astigartarrak finago ibili ziren defentsan elkarrekin arituta, eta, baloia berreskuratu ahala, kontraeraso onak bideratuz. Guti eta Gomezek sartu zituzten golak, eta 14 punturekin daude orain sailkapenean, datorren asteburuko arerioa bezalaxe; Hernani, hain zuzen ere.