Mozioa aurkeztu du Kaleratzeak Stop taldeak Udalean, «Astigarraga kaleratzerik gabeko herria izendatzeko». Datorren larunbatean eztabaidatuko du Astigarragako Udaleko Plenoak.
Mozioa onartuz gero, «Astigarragan gertatutako kaleratze baten aurrean, udaletxeak bitartekari lana egingo du hori ekiditeko, eta zordun fede on kasuetan, nahiz eta ahaleginak egin kaleratzea ekiditen ez bada, etxebizitza bat ziurtatuko du alokairuan».
«Arazo horietaz arduratzeko», erakunde edo pertsona bat
Mozioan eskatzen dute, baita ere, udaletxeak erakunde edo pertsona bat izatea, «horrelako arazoetaz arduratzeko, alokairu soziala bultzatzeko, neurriak hartzeko kaleratzerik gerta ez dadin etxebizitza hutsak dauden bitartean...».
Kontzentrazioa, ostiralean
Mozioari «sostengua emateko», kontzentrazioa deitu du taldeak, datorren ostiralean, 19:00etan Jose Elzo plazan.