Jakina da Hernanin antzerkiak sekulako tiradizioa duela, eta edizio honetan ere, berehala agortu dira sarrera guztiak. Udazkeneko programazioaren barruan, Antzerki Zikloa antolatu dute Biteri kultur etxean, eta gaur hasi eta ostegunera bitartean, egunean antzezlan batetaz disfrutatzeko aukera izango da. Saio guztiak 20:00etan hasiko dira.
‘Kreditua’, gaur
Zuhaitz Gurrutxaga eta Joseba Apaolaza izango dira gaur, Kreditua antzezlaneko protagonistak. Banketxeetan kredituen gaia nola aldatu den kontatuko dute antzezlanean. Izan ere, diote, lehen edonork lortzen zuela kreditu bat; eta ematen ez zutenean, eskatzailea isilik, burumakur bueltatzen zela etxera. Kasu horretan, lasai bizi omen zen bankaria. Orain ordea, gauzak aldatu egin omen dira, eta ezin omen zara ezertaz fidatu. Hau da, inori kreditu bat ukatzen badiote, beharbada, ez dela apal-apal etxera itzuliko.