Arratsaldeko 16:00etan hasita, lau partidu jokatuko dira gaur Galarretan; tartean, Bikotetako Txapelketako bat: Ezkurra-Endika/Matxin III-Ion. Jokatzekoa zen bestea, Urriza-Agirrezabala eta Etxeberria III-Etxeberria IVren artekoa, bertan behera geratu da oraingoz, Etxeberria IIIk ezingo baitu gaur jokatu. Hala ere, emoziorik ez da faltako Galarretan: Ezkurra eta Endikak osteguneko garaipena izango dute alde, gaurko lehia irabazteko, eta Matxin III eta Ionek berriz, finalerdietarako pasea izango dute jokoan.