Ez dago denboraldiko unerik gozoenean Mundarro, eta ez du lan erraza izango asteburu honetan, egoerari buelta ematen. Vasconia laugarren sailkatuaren zelaian ariko da, Donostiako Puion, gaur arratsaldeko 17:30etan.
Lau aste daramazkite moreek garaipenik lortu gabe, eta zailtasunak zailtasun, erronka polita dute gaurkoa. Izan ere, onenen pare aritu zen Mundarro, ligaren hasieran, eta erakutsi zuen, edozein aurkariri irabazteko gai dela.
Etxetik kanpo saiatu beharko dute, hasierako emaitza on horiek berreskuratzen. Aurkaria ez da nolanahikoa, dena den: partidurik galdu ez duen talde bakarra da Vasconia.
Lidertza galdu berritan, bi berdinketarekin
Baina beharbada, momenturik onenean egingo dio aurre Mundarrok. Izan ere, orain bi aste lider zegoen Vasconia, eta azken bi partiduak berdinduta, behera egin du sailkapenean. Aprobetxatu behar.