Irabazi beharrekoa, etxean

Kiroldegian jokatuko du Mun­darro-La Sallek asteburu honetan ere, Euskal Ligako bigarren mailan. Eta irabazi beharreko partidua daukate, gainera: Askatuak taldea har­tu­ko dute, ligako azkenau­rre­ko sailkatua. Partidu klabea, beraz, gora egin eta beheko postuetan dauden aurkariak atzeratzeko. 16:00etan hasiko da partidua.
Astigartarrek buelta eman nahi diote, aurreko aste­bu­ruko kolpeari. Partidu ona jokatu zuten, baina galdu egin zuten azkenean, hirugarren laurdenean lau puntu soilik sartuta, eta jaurtiketa libre­etan 26tik 6 asmatuta. Horiei konponbidea bilatu beharko diete, irabaziko badute.
Mutilak kiroldegian, jarraian
Nesken partidua bukatzean, Gipuzkoako Ligako mutilak ariko dira, Alde Zaharraren kontra, 18:00etan kiroldegian. Erronka polita izango du Mundarro-La Sallek, hiruga­rren sailkatuaren kontra. Garaipen bat gehiago daukate donostiarrek.