Larunbat honetan, Santa Zeziliaren omenezko kontzertua eskainiko du Hernaniko Musika Bandak. Milagrosan izango da, 19:30etan hasita.
Kontzertu berezia izango dela aurreratu dute. Hain zuzen, tronpeta bakarlari batekin joko dituzte emanaldiko hiru kanta; Javier Lorente tronpeta jolearekin.
Zazpi piezako emanaldia
Denera, zazpi pieza joko dituzte: Paco Molero, Candide, Gran Fantasia Rusa (Banda eta tronpeta), Bitz, Concierto de Aranjuez (Banda eta tronpeta), West Side Story, eta La Virgen de la Macarena (Banda eta tronpeta). Roberto Pachecok zuzenduko du.