Final zortzirenetatik sailkatutako bost bertsolari ariko dira igandean Unai Agirrerekin: Mikel Artola, Manu Goiogana, Oihana Iguaran, Beñat Lizaso eta Unai Mendizabal. Agirrek, berriz, aurtengo Gipuzkoako Bertsolari Txapelketako estreineko saioa izango du.
Arratsaldeko 17:30etan hasiko da Eskoriatzako kiroldegian, eta azken final laurdena izango da.
Finalaurrekoak, azaroaren 22tik aurrera
Igandeko saioaren ondoren, deskantsua izango da, eta finalaurrekoak hasiko dira, gero.
Azaroaren 22an Zarautzen jokatuko da bat; Agin Laburuk kantatuko du bertan. Hurrena, azaroaren 29an izango da Tolosan, eta Beñat Gaztelumendi sailkatu da saio honetarako. Azkena, abenduaren 6an jokatuko da, Eibarko Astelenan.
Finala, aurreratuta
Azkenik, finala Donostiako Ilunben egingo da; hauteskundeak direla eta, abenduaren 19ra aurreratu da.