Maila bikaina erakutsi dute Hernaniko palistek Gipuzkoako Txapelketako aurreneko mailan: aspaldiko partez, irabazi egin diote Su Berri taldeari. Horrela, Arrieta eta Araizmendi izan ziren Gipuzkoako Txapelketako txapeldunak, larunbatean, Atano IIIan, 30 eta 16 irabazita.
Bigarren maila, indartuta
Bestalde, bigarren mailan gazte asko aritu da jokatzen, eta indartu egin da kategoria. Guztira, 8 taldek hartu dute parte txapelketan. Hernaniarrek lan fina egin dute kantxara atera diren guztietan.