Bina berdindu zuen asteburuan Mundarro Petritegi taldeak, Amara Berriren kontra. Lehenengo zatian ez zuten euren jokorik onena erakusteko aukerarik izan, eta atsedenaldian 1-0 ziren, atzetik. Bigarren zatia ere aldapa gora hasi zen talde morearentzat, penaltiz, donostiarrak 2-0 aurreratu baitziren. Mundarrok ez zuen etsi, eta Oierrek egindako bi golei esker, berdinketa jarri zuten markagailuan. Orain, puntua baliagarri izateko, Añorgaren kontra nagusitu eta goiko postuei begira jartzea du helburu Mundarrok; Zarkumendegin jokatuko dute.