Hernani’n Musik ekimenaren barruan, udazkenerako antolatutako bigarren kontzertua izan zen igande arratsaldean, Milagrosan. Espero baino jende gehiago gerturatu zen, eta aretoa bete zuten herritarrek, Itziar Lujambio oboe-joleak eta Francesca Romana Di Nicola harpa-joleak osatutako Duo L’incontro ikusteko. Okasiorako prestatutako errepertorio berezia interpretatu zuten, eta besteak beste, Vivaldi edota Hendel konpositore eta musikarien obrak jo zituzten. Publikoa gehiagorako gogoz gelditu zen.