Ezin hobeto hasi du Binakako Txapelketa Endika Barrenetxea hernaniarrak, Ezkurra IIrekin. Ezustekoa eman, eta 40-35 irabazi zieten Urriza eta Agirrezabalari, ligaxkako aurreneko partiduan. Dominatzen hasi ziren Barrenetxea eta Ezkurra, eta 11-23 jarri ziren, baina buelta ematea lortu zuten gorriek, 31-29 jartzeko.
Azken zatian, ordea, lau tanto egin zituen Barrenetxeak sakez, eta hori izan zen garaipenaren klabea.
Txapelketako beste partiduan, Matxin IIIk eta Ionek ere ezustekoa eman zuten, Etxeberria IV eta Etxeberria IIIri irabazita (40-39).