Festarako gogoz zeuden Txantxillako auzotarrak, eta gozatu ederra hartu zuten atzo, egun osoko festarekin. Krosarekin hasi zuten jaia, eta Santa Barbara igo eta jaisten, Ibai Alba auzotarra izan zen azkarrena, eta Uxune Tena andoaindarra nagusitu zen nesketan.
Hortik aurrera, bata bestearen atzetik izan zituzten ekintzak: sagardo dastaketa, paellada, ipuin kontalaria, txapelketak, arima bihurrien kalejira... Ia konturatu gabe bukatu zitzaien eguna, ziztu bizian.