Etxeko hirugarren partidua jokatuko du gaur Hernanik eta aurrekoetan egin bezala, garaipena lortzea izango du helburu. Gainera, neurketa garrantzitsua izango du. Pozuelo izango du aurrez aurre. Jaitsiera borrokatuko duen taldeetako bat izango da eta azken postuan dago momentu honetan. Beraz, garaipena lortzeak berebiziko garrantzia du Hernanirentzat.
Norgehiagoka 15:00etatik aurrera jokatuko da, Landaren. Zaletuen babesa eta bultzada eskertuko ditu etxeko taldeak.
Loteria salgai
Aurten ere Gabonetako Loteria salgai jarri du Errugbi Elkarteak. Herriko hainbat taberna eta komertziotan dago salgai: Zintzarri, Kixkal, Rioja, Rufino, Bukoi, Pineda, On Bit, Antziola okindegia eta Landaren.
Zenbakia, honakoa da: 83.821. Loteriaren prezioa, berriz, 5 euro.