Lehortearen ondorioak jasaten ari dira Kelte Awaelon, Wukroko landa zonaldean, uztailean eta abuztuan oso euri gutxi egin duela eta. Arazoari aurre egiteko, 16 ur tanke eskatu dizkio Wukroko gobernu lokalak Angel Olarani, 16 komunitate kaltetuenentzat ura edukitzeko. Guztira, 25.000 euroko kostua dute tankeek, eta horretarako, herritarren aportazioak eskatu ditu Olaranek.
Bi kontu korronte, diruz laguntzeko
Bi aukera jarri ditu Olaranek, aportazioak egiteko. Batetik, Hernaniko Kutxabankeko kontu korronte zenbakia: ES62 2095 5041 15 1061674080. Eta bestetik, Madrilgo Kutxabankeko kontu korrontea: ES32 2095 5041 11 1064373151. Olaranek berak jakinarazi du, diru horren zati bat aurreratu duela berak, «zuen konpromisoan konfiantza izanda».
Jasotzen duten laguntza guztia, Kelte Awaeloko Administrazioari helaraziko diote. Gobernuak, bere aldetik, 40.000 euroko laguntza eman dio dagoeneko, eta baita janaria ere, bizilagun eta abereentzat.
«Uzta, espero baino bost aldiz txikiago izan da»
Lehortearen eraginez, uztak ere kalte larriak izan ditu Kelte Awaelon: «erein ziren 17.221 hektareatatik, 12.642 erre dira, eta soilik espero zen uztaren %20a lortu da», azaldu du Olaranek. Horren eraginez, 40.000-60.000 bizilagunek «laguntza urgentea» beharko dute jateko, datozen 9 hilabeteetan.