Plan konpletoa prestatu du Hernaniko Gure Esku Dagok, larunbat goizerako. Batzarra deitu dute goizeko 10:00etan Biterin, baina ordu erdi lehenago jarri dute zita, kultur etxean bertan, elkarrekin gosaltzeko. Eskura prozesuari buruz ariko dira bileran; bertan azalduko dute, aurrena, zer izango den maila nazionalean; eta ondoren, prestatu duten herri plangintzaren berri emango dute.
‘Eskura’, «Erabakiaren Aroaren aurreneko pausoa»
Gure Esku Dagok nabarmendu du, Erabakiaren Aroan sartu dela, eta hain justu, Eskura prozesua dela aro berri horren «aurreneko pausoa». Horren bidez zehaztu nahi dute, nola bideratuko diren datorren urtean egin nahi diren herri kontsultak; horietako bat, hain justu, Hernanin.
‘Eskura’ prozesuaren helburua da, datorren urtean egin nahi diren herri kontsultak bideratzea; horietako bat, Hernanin.
Herri antzerkiaren aurkezpena, Tilosetan
Batzarraren ondoren, beste zita bat ere jarri du Hernaniko Gure Esku Dagok: herri an–tzerkiaren aurkezpena egingo dute, 13:30etan, Tilosetako eskaileretan. Zer izango den azalduko dute, eta aurrerapen gisa, sketch txiki bat ere antzeztuko dute aurkezpenean bertan.