Ekainean gelditu zuten martxa, gaur hartuko dute berriro, Kafe Tertulietan. Ikasturte berria hasiko dute, eta iaz bezala, asteazkenero elkartuko dira, arratsaldeko 17:00etan, Gunea garagardotegian. Udal Euskaltegiak antolatutako ekimena da Kafe Tertulia, eta helburua da, modu informal batean praktikatzea euskera: kafe bat hartu, lagun berriak egin, solasean aritu...
Ordu eta erdi solasean
Ordu eta erdiz elkartzen dira bertan, euskeraz hitz egiteko ohitura beste modu batera hartzeko: patxadan eta beste gai batzuez hizketan.
Aurreko ikasturtean, 16 lagun elkartu ziren azkeneko saioan, eta bide horretatik hasi nahi dute berria.