Gipuzkoako Bertsolari Txapelketako lehenengo final laurdena jokatu zen larunbatean Urretxu-Zumarragan eta Agin Laburuk irabazi zuen. Hori horrela, astigartarrak zuzeneko txartela lortu du finalaurrekoan kantatzeko. 516 puntu lortu zituen Laburuk. Atzetik geratu ziren Beñat Iguaran (491 p) eta Nerea Elustondo (490 p).
Finalerdia, Zarautzen
Datozen bi asteburutan jokatuko dira azken hiru final laurdenak. Talde bakoitzeko irabazleak zuzenean pasako dira hurrengo fasera (B. Gaztelumendi ere sailkatu da); eta horiekin batera pasako dira puntu gehien lortzen dituzten beste 13 bertsolari. Ondoren, finalerdiak izango dira jokoan. Laburu azaroaren 22an ariko da Zarautzen.