Bikain hasi dituzte final laurdenak, Gipuzkoako Bertsolari Txapelketan, Hernaniko Bertso Eskolako kideek. Larunbatean Agin Laburu nagusitu bazen, igandean Beñat Gaztelumendi izan zen onena, Errenteriako saioan. Bitik bi, beraz, Bertso Eskolarentzat.
516 puntu jaso zituen Gaztelumendik, eta garaipena lortuta, zuzenean sailkatu da final aurrekoetara.
Ia 600 ikusleren aurrean, añorgarrak atzetik utzi zituen Iñaki Gurrutxaga (499,5 punturekin) eta Jon Martin (485,5 punturekin).