Hitzaldia antolatu du ostegun honetan Amher Sos Arrazakeria elkarteak, Hernaniko Udalarekin elkarlanean: Kultura eta kirol aukerak Hernanin. Arratsaldeko 19:00etan izango da, Biterin, eta bertan, Udaleko teknikariak izango dira hizlari: Agurtzane Aizpuru kultura teknikaria, eta Manuel Ayerbe kirol teknikaria.
Helburua da, Hernanik dituen kultura eta kirol aukeren berri ematea, «eta jendea horietara animatu eta integrazioaren bidean jarraitzea», azaldu dutenez.
Hernaniar guztiei zuzendutako saioa izango da, eta bereziki etorkinei, antolatzaileek jakinarazi dutenez.