Ipuin kontaketa, argazkiak eta tea galletekin, ‘Chertat eta lehoia’ aurkezteko

«Saio berezia» egingo du bihar Dobera Euskara Elkarteak, Chertat eta lehoia ipuina aur­kezteko. Arratsaldeko 19:00e­tan egingo dute, Biterin, eta hain­bat zati izango ditu aurkez­pe­nak. Aurrenekoa, ipuina bera kon­ta­tzea izango da, eta bi hiz­­kun­tzatan egingo dute, ida­tzi­ta dagoen bezala; ipui­naren idaz­leak izango dira kontalari, bihar ere: Jexux Eizagirrek euskeraz, eta Cheij Amhedek hassanieraz.
Gero, ikusgai jarriko di­tuz­te hainbat irudi: batetik, ipui­ne­ko ilustrazioen lami­nak, Abdi Ami Omarrek egi­nak: «Parisen dago bera, bai­na aurkez­pe­ne­an ego­ten sa­ia­tuko da», azaldu zuen Eiza­girrek, atzoko pren­tsau­rre­koan. Eta bestetik, Saharako haurrenak, ipuina­ren ingu­ruan bilduta: «udan hemen egon ziren sahararrei, ipuin bana eman zitzaien, eta han lagunekin konpartitu dute. Ikustekoa da jartzen duten aurpegia, 6-7 haurrek ipui­na­ren bueltan jarrita», zioen Eizagirrek. «Oso erreakzio poli­ta izan zuten denek, ipuina ja­sotzean. Oso pozik zeuden», gehitu zuen Amhedek.

Laguntzaileei eskerrak, banaka
Mapa bat ere erakutsiko dute aurkezpenean, Chertat pertso­naia nondik mugitzen den iru­dikatzeko: «ez da soilik eza­gu­na Saharan; baita Mauri­ta­nian eta Marokoko hegoal­de­an ere», azaldu zuen Amhedek. Ondo­ren, eskerrak emango dizkiete laguntzaile guztiei, ba­nan-banan denak aipatuz.
Eta aurkezpena bukatzeko, galderen txandaren ondotik, tea mentarekin hartuko dute, galleta batzuez lagunduta: «Saharan, edozein momen­tu­tan hartzen dugu, eta elkar­tzeko eta solasean aritzeko aitzakia perfektua da».

Ipuina erosteko aukera
Behin aurkezpena eginda, ipuina salgai jarriko da, bihar aurkezpenean bertan, eta Do­be­raren bulegoan (Larra­men­di 11, behea): elkarteko bazkide direnentzat 12 euro, ez dire­nen­tzat 15 euro.