Amore ez ematea nahikoa ez denean...

El Salvadorrek ez zuen are­riorik izan atzo, Valladolideko Pepe Rojo zelaian. Colegialek ligan duten nagusitasuna era­kutsi zuten aurreneko minu­tutik, eta erraz, oso erraz gailendu ziren 57-0. Hernanik bazekin arerio zaila izango zuela aurrean, eta saiatu zen bere jokoa egiten, hortzak erakusten, amore ez ematen... baino atzokoan, hori guztia ez zen nahikoa izan.
Laugarren minuturako au­rretik zen El salvador, 7-0. Atse­denaldira iritsi aurretik, beste bi entsaio egin zituzten, eta 19-0 nagusi ziren mar­kagailuan. Bigarren zatian etorri ziren beste sei entsaioak. Par­tidua 57-0 bukatu zen, eta Colegialek bonusa ere lortu zuten.
Atzoko partidua atzean utzi, eta larunbateko CRC Madriden kontrako neurketan du orain burua Hernanik. Bi partidu jarraian etxetik kanpo jokatu ostean, Landareko bul­tzada izango dute Trikoloreek; etxeko konfiantza. Eta au­rrean, salbaziorako arerio zu­zena izango den taldea.