Ohorezko Mailako arerio gogorrenetakoa izango du gaur Hernanik, aurrez aurre: El Salvador. Bosgarren jardunaldia izango da gaurkoa, eta Valladolideko Pepe Rojo zelaian jokatuko da, eguerdiko 12:30etan hasita.
Valladolidekoak jokatutako lau partiduetatik hiru irabazi dituzte, eta bigarren dijoaz sailkapenen orokorrean. Plantilla sendoa osatu dute colegialek, eta denboraldia espero bezain ondo hasi dutela azaldu dute, prentsa ohar bidez: «taldearen jokoa esperotakoa da, maila onean daudela erakutsi zuten joan den astean Altamiran jokatutako partiduan».
Badakite ordea, Hernani ez dela joan den urteko talde bera. Trikoloreek indartsu eta konfiantzarekin hasi dute denboraldia, eta etxetik kanpo garaipenik lortu gabe jarraitzen badute ere, Landaren emateko asko dutela erakutsi dute jokatutako bi partiduetan. Hernani zortzigarren dijoa sailkapen orokorrean, eta goiko postuetan du burua. Gaurkoan ere, arerio zaila izan arren, hortzak erakutsi eta dena ematera aterako dira, Hernanik ez baitu inoiz amore ematen!