Gaur eta bihar jokatuko dira Gartzarongo Txapelketako finalerdiak; gaur, 16:00etan, Aizkorbe eta Apezetxea kadeteak ariko dira, Osa eta Zubeldiaren kontra. Bihar 10:00etan, berriz, Salaberria eta Gaskue, Egiguren eta Muruaren kontra.
Lehengo asteko emaitzei dagokienez, Aitzol Salaberriak eta Beñat Apezetxeak 18 eta 4 irabazi zuten Bortzirietako bikotearen kontra, eta Iker Salaberriak eta Gaskuek, 18 eta 5, Iriarte eta Odriozolaren kontra.
Nafar Jokoak, Elizondon eta Goizuetan
Bestalde, gaur Aitzol Salaberriak eta Beñat Apezetxeak jokatuko dute, 10:00etan Elizondon, Txalutako bikotearen kontra. Bihar, berriz, Goizuetan jokatuko dira bi partidu, 11:00etatik aurrera: benjaminetan, Oihan Legarreta eta Egoitz Elizegi, Ultzamaren kontra; eta kadeteetan, Aizkorbe eta Apezetxea, Mata eta Cueciranen kontra.