Bere ateak zabalduko ditu bihar Petritegi sagardotegiak, «familia guztiarentzako ekintza ugarirekin». Izan ere, egun osoko plana prestatu dute, goizeko 11:00etan hasita, «helduek zein etxeko txikienek sagardogintzaz gozatzeko».
Euskal musikak emango dio hasiera festari, eta haurrentzako hainbat ekintza izango dira segidan: margoketa, eskulanak muztio botilarekin...
Sagardogintza lantzeko aukera
Eguerdiko 12:00etan egingo dute «jarduera dibertigarriena». Sagardogintza lantzeko aukera izango dute, sagarra kizkiarekin biltzetik muztioa egitera arte. Haurrek ere parte hartu ahal izango dute: «esperientzia ahaztezina izango da», aurreratu dute. Sagar dastaketa, astoan paseo bat emateko aukera eta toka txapelketa ere izango dira.
Eguna borobiltzeko, mahai bat erreserbatzea gomendatu dute, sagardotegiko menuaz gozatzeko: 943 45 71 88 edo www.petritegi.com.
Arratsaldean, haurrentzako tailerrak ere izango dira, euskal joko tradizionalekin, 15:30etatik aurrera. Eta eguna ondo bukatzeko, haur karaokea egingo dute PetriKafen, 17:00etan hasita.