Aurkezpen astea izango da datorren hau, Astigarragako AEKn. Bi egitasmoren berri emango dute euskaltegiaren lokal berrian (Ibai-Lur jatetxearen ondoan), bietan ere ikasturte berria martxan jartzeko: Mintzalagun egitasmoa eta Zilegi Eskola.
Asteazkenean egingo dute aurreneko aurkezpena, Mintzalagun egitasmoarena. Goizeko 09:30etan izango da. Egitasmoaren helburua da, euskeraren erabilera sustatzea, eta horretarako, herriko euskaldunak eta euskeraz ikasten ari direnak elkartzen ditu.
Zilegi Eskolarena, ostegunean
Hurrengo egunean egingo dute Zilegi Eskolaren aurkezpena, ostegunean alegia. Arratsaldez izango da hori, 18:30etan hasita. Bigarren egitasmo horren barruan, euskerazko ikastaro desberdinak eskaintzen dituzte hilero.
Irekiak izango dira biak, eta herritar guztiak animatu dituzte, gerturatzera.
Gurasolagun ere, martxan
Laster abiatuko dute Gurasolagun egitasmoa ere. Bertan, gurasoek aukera dute, beren seme-alabekin, euskera praktikatzeko, edo praktikatu nahi dutenei laguntzeko. Azaroaren 5ean egingo dute bilera, Ikastolako areto berrian, 15:30etatik aurrera.