Antzerkiaz gozatzeko aukera izango da gaur, Kultur Etxean, iluntzeko 20:00etatik aurrera; De cuerpo presente komedia antzeztuko dute, eta sarrerak ordubete lehenago jarriko dituzte salgai, 6 euroan. Antzezlana gaztelaniaz izango da.
Herentzia banatzeko sesioa
Sei aktore igoko dira taula gainera, herentzia bat erdigune duen antzezlanean: Gorka Aginagalde, Gurutze Beitia, Galder Perez, Mari Cruz Melgosa eta Ylenia Baglietto.
Obra heriotza batekin hasiko da; Don Vicente jaunarenarekin, hain zuzen. Bere gaubeilan, haren inguruan bilduko dira familiako kideak, eta berehala sesioan hasiko dira, herentzia banatzeko ados jartzen ez direla eta.
Beraiek sesioan aritu bitartean, ordea, ikusi eta entzuten ez duten beste norbait egongo da bertan; Don Vicente bera, hain zuzen. Hildakoak are gehiago nahastuko ditu gauzak, eztabaida eta gai guztien artean muturra sartzen arituko baita, bere modura.