Bete-betean sartu da Zipotza elkartea, 30garren urteurreneko ospakizunetan. Sagardo kata egin bazuten atzo, ardo kata egingo dute gaur hasiberrientzat, Mari Mena eta Patxi Mujikaren eskutik. Arratsaldeko 19:30etan izango da, Zipotzan bertan.
Bihar arratsaldean, berriz, sukaldari ikastaroa egingo dute, toki eta ordu berean. Fede Goikoetxeak emango du, Luis Irizar eskolako irakasleak.
Eta ekintza horiekin, bidea egingo diete ospakizunen hiru egun nagusiei. Ostiraletik igandera, denetik izango da.
EGITARAUA
GAUR, urriak 21
19:30, Hastapen ardo kata Zipotzan, Mari Mena eta Patxi Mujikaren eskutik.
BIHAR, urriak 22
19:30, Sukaldari ikastaroa Zipotzan, Fede Goikoetxea, Luis Irizar eskolako irakaslearekin.
ETZI, urriak 23
18:00, Urtebetetze jaia Porrotxekin.
20:00, Kalderero konpartsaren irteera (eraman mailu eta zartagiak, eta jantzi laranjaz).
21:30, Afaria. Txartelak salgai, 12€.
Afal ondoren, poteo kalejira txarangarekin.
LARUNBATA, urriak 24
09:00, Perretxiku bila, mendira.
17:00, Mus Txapelketa (izenematea zabalik; bikoteka, 20 euro).
17:00, Haur jolasak.
18:00, Txokolatada.
19:00, Patata tortilla txapelketa, herriko kultur talde eta eragileen artean.
20:30, Bokata goxoak, Zipotzan.
23:00, Oroimena, oraina, geroa, Zipotza 30 urte dokumentala.
23:45, Apalatxeren kontzertua.
Eta gauean, Gazte Party, Dj Mapatxerekin.
IGANDEA, urriak 25
11:30, Mikologi erakusketa.
12:00, Pintxo eta sagardo dastaketa.
14:30, Herri bazkaria eta ondoren, kantaldia Andoni Oilokiegirekin.