Nepalen izandako lurrikarak inguru hura txikitu aurretik, Fotoeskolako kideak bertan izan ziren, argazki-bidaia batean. Han ateratako argazkiekin proiekzioa egingo dute gaur Ereñotzun, eta erakusketa jarri dute, Biteri kultur etxeko pasilloetan.
Irudi proiekzioa, gaur
Nepalera egindako bidaiaren xehetasun guztiak emango dituzte gaur Ereñotzun, argazki proiekzio eta guzti. Udazken Kulturalaren barruan, 19:30etan.
Erakusketa, Biterin
Biteriko pasilloetan ere, Fotoeskolako ikasleek ateratako argazkiak ikusi daitezke, erakusketa jarri baitute; urriaren bukaerara arte izango da aukera.
Fotoeskolak antolatzen dituen bidaia hauetan helburuak asko dira: nagusia argazkilaritza ikastea bada ere, gozatzea, beste zaletu batzuekin ezagutzak konpartitzea, eta esperientzia berriak bizitzea ere bilatzen da. Bidaia honetan 13 lagunek hartu zuten parte, Hernani, Astigarraga eta Irungoak. Bidaian zehar, dinamika ezberdinak planteatu zituzten, bidaiari berari ahalik eta zuku gehien ateratzeko; gainera, bidaia ondo ezagutzen duen gida euskalduna izan zuten, eta honi esker, lurraldea eta jendea ondo ezagutzeko aukera izan zuten.
Hurrengo bidaia ere, martxan
Datorren bidaia ere antolatu dute, kasu honetan, Indiara: Bombay, Bhuj, Mahdavi eta Kutch bisitatuko dituzte. Informazioa eskatu eta izena eman nahi duenak zabalik du epea. Horretarako: haritzarrondo@gmail.com edo 661 432 242 telefonora deitu. www.fotoeskola.wordpress.com helbidean ere, badago informazioa. Prezioa 700 eurokoa da; hegazkina aparte.