Bukatu da Mundarroren ratxa ona. Larunbata baino lehen, 10 partidu zeramazkiten moreek galdu gabe (8 irabazi eta 2 berdindu), aurreko denboraldia kontutan hartuta, baina ezin izan zieten jarraipenik eman, orain arteko emaitza bikainei: 3-2 galdu zuten Mariñoren kontra, Irunen.
Eta gutxien espero zenean iritsi zen porrota, gainera. Izan ere, urteko partidu onena jokatu zuen Mundarrok, baloiaren jabe izanda erabat. Mariño izan zen gola egiten aurrena, ordea, korner bat aprobetxatuta, atsedenaldiaren aurretik.
Aurreko denboraldia kontutan hartuta,10 partidu zeramazkin Mundarrok galdu gabe.
Hala ere, partidua ez zen batere aldatu, eta berriro nagusi zela, buelta eman zion emaitzari, Beñat Mendibururen bi golekin (5 sartu ditu dagoeneko).
Lau minutu ero, eta esku hutsik bueltatu behar
Baina ez zuten partidua itxi moreek, eta lau minutu nahasitan, bi gol egin zituen Mariñok. Esku hutsik bueltatu behar, partidurik onenean.