Etxetik kanpo jokatu dute bi talde nagusiek eta biak puntu banarekin itzuli dira etxera. Erregional Ohorezko Mailan, Hernanik 1-1 berdindu zuen Ordiziaren aurka larunbatean. Puntu hori ondo etorri zaie txuri-berdeei sailkapeneko erdi parean sendotzeko. 12garren postuan daude. Euskal Ligako neskei ere garaipena eta hiru puntuak hobeto etorriko zitzaizkien, baina lortutako puntuarekin azken postutik ihes egiteko aukera izan dute. 2-2 berdindu zuten Oiartzunen kontra.