Hernani Erabakiren azken urratsa besterik ez da geratzen 2016ko Udal Aurrekontuan txertatuko diren proposamenak erabakitzeko. Galdetegi bat zabalduko du Udalak etxez etxe eta online eta bertan, 32 proposamen egongo dira (iraileko hiru saioetan aukeratutakoez gain, auzo elkarteek aukeratutako proposamenak ere egongo dira). Herritar bakoitzak 10 aukeratu beharko ditu.
Iraileko hiru saioetan, aukeraketa
Iraileko azken asteetan, hiru saio ireki egin ziren herritarrekin eta horietan, prozesuan aurrera egin duten eta prozesutik kanpo geratu diren proposamenak aukeratu zituzten. Proposamenek aurrera egiteko edo kanpoan uzteko bi irizpide hartu zituzten kontuan: alde batetik, proposamen bakoitzak hernaniarren eta orokorrean herritarren egunerokotasuna hobetzen edo errazten duten baloratu. Eta bestetik, proposamen bakoitzaren kostua (ekonomikoa, humanoa, ingurumenarekikoa...) eta onuraren arteko oreka azertu.
Prozesuaren urrats hori, Udal teknikari, ordezkari politiko eta langileek egindako balorazioak jaso ondoren burutu zen. Beraz, proposamen bakoitzaren balorazioak ezagutzeko aukera izan zen bilera ireki horietan.
Informazio zehatza, Udalaren web orrian
Udalak proposamenen inguruan egindako balorazioak bere web gunean jarri ditu (www.hernani.eus), Agenda 21eko atalean. Iraileko hiru saioen memoriak ere, gune berean aurkituko ditu herritarrak.
Aurrera egin duten proposamenak
Biteriko saioan (irailak 23):
- Udalak musika ekipo bat erostea, bai udal ekimenetarako, baita herriko eragile sozial ezberdinek antolatzen dituzten ekimenetarako (20,5 p)
- Aldibereko itzulpenak egiteko interpretatzailearen maleta (14,5 p)
- Biteriko areto nagusiko ekipoak errebisatu eta behar bada, berritzea (12 p)
- Landare tokiko errugbi guneko berrikuntzak: Eserlekuen hedapena,120 gehiagora zabaltzea; Bidetxo bat egin lehengo zelaitik bigarrenera; Zelaia txukun/garbi mantentzeko makinaria (12 p)
- “Ipuin kontaketa” maiztasun haundiagoarekin eta asteko egun ezberdinetan (11,5 p)
- Kiroldegiko kafetegi inguruan takilak jartzea (8 p) Plaza feministako saioan (irailak 24):
- Hezkidetza egitasmo bat hezkuntza ziklo guztietan (39,5 p)
- Haur gune bat, espazio itxi bat, 0-5 urte bitarteko haurrentzat (36,5 p)
- 0-3 urterako parke egokitua (33,5 p)
- Lurrean margotutako jolasak jartzea Atsegindegin (26 p)
- Haurrentzako ekintza kultural gehiago batez ere HHko etapan dauden umeentzako (2/6 urte) (22 p)
- Sahara Mendebaldeko Lurralde Okupatuetako borroka baketsuaren aurrean, solidaritate politikoa material informatikoa emanaz (21 p)
Beterriko saioan (irailak 28):
- Herriko hainbat leku peatonalizatzea: Elkano-Nafar kaleko bidegurutzea; Aristizabal-Urbieta kaleko bidegurutzea; Latsunbe kalea-Urbieta kalea eta Marieluts kalea elkartzen dituen
bidegurutzea (22,5 p)
- Komun publikoa Ave Marian (19,5 p) Ez da galdetegian azalduko, aurten egingo delako.
- Sagastialde auzoko argiteria eta espaloiak hobetzea (16,5 p)
- Kaxko historikoko etxebizitzak eskuratzea eta gazteentzako kostu bajuko alokairura bideratzea, etxe horiek erabiltzeko moduan jarri ostean (15,5 p)
- Ondorengo lekuetan zeharbideak jartzea: Karmelo Labaka kalean, erdi aldean, zeharbide berria egitea (13 p)
- Tilosetako lurra berritzea (1 p) Kanpo geratu bazen ere, galdetegian agertuko da Kaxko auzo elkarteak proposatu duelako.
Horiez gain, auzo elkarteek aukeratutako proposamenak ere egongo dira galdetegian.